۹۶. سورت العلق

اقْرَأْ بِاسْمِ رَبِّكَ الَّذِي خَلَقَ

[اې پېغمبره (ص)!] ولوله، د خپل رب په نوم چي هغه (ټول مخلوقات) پېدا کړي؛

خَلَقَ الْإِنسَانَ مِنْ عَلَقٍ

د كلكي شوي ويني له يوې ټوټې څخه یې انسان هست کړ؛

اقْرَأْ وَرَبُّكَ الْأَكْرَمُ

ولوله، او ستا رب ډېر مهربان دی؛

الَّذِي عَلَّمَ بِالْقَلَمِ

چي هغه د قلم په مرسته (انسان ته) علم وښودی؛

عَلَّمَ الْإِنسَانَ مَا لَمْ يَعْلَمْ

انسان ته یې هغه علم ورکړ، چي هغه پرې نه پوهېدی.

كَلَّا إِنَّ الْإِنسَانَ لَيَطْغَىٰ

هیڅكله داسي نه ده، انسان سرکښي كوي؛

أَن رَّآهُ اسْتَغْنَىٰ

په دې اساس چي هغه خپل ځان بې اړي (بې نیازه) ويني.

إِنَّ إِلَىٰ رَبِّكَ الرُّجْعَىٰ

(په داسي حال کښي چي) هرو مرو همدا ستا د رب په لوري ورګرځېدل دي.

أَرَأَيْتَ الَّذِي يَنْهَىٰ

ايا ته ګورې هغه څوك چي منع كوي،

عَبْدًا إِذَا صَلَّىٰ

يوه بنده (منع کوي)؛ كله چي هغه لمونځ كوي؟

أَرَأَيْتَ إِن كَانَ عَلَى الْهُدَىٰ

ستا څه ګومان دی كه (هغه بنده) په سمه لاره وي؛

أَوْ أَمَرَ بِالتَّقْوَىٰ

يا د پرهېزكارۍ حُكم كوي؟

أَرَأَيْتَ إِن كَذَّبَ وَتَوَلَّىٰ

ستا څه ګومان دی كه (دا منع كوونكی شخص حق) درواغ وګڼي او مخ واړوي؟

أَلَمْ يَعْلَم بِأَنَّ اللَّهَ يَرَىٰ

ايا هغه (منکر) نه پوهيږي چي بېله شکه الله يې ویني؟

كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ

هیڅكله داسي نه ده، كه هغه لاس وانخلي، نو موږ به یې د وچولي (تندي) د ويښته ونيسو، را کش به يې کړو؛

نَاصِيَةٍ كَاذِبَةٍ خَاطِئَةٍ

هغه وچولي (تندی) چي (څشتن يې) درواغجن او ډېر زيات خطاكار دی؛

فَلْيَدْعُ نَادِيَهُ

هغه دي خپلي د مجلس ملاتړ كوونكي ډلي ته بلنه ورکړي؛

سَنَدْعُ الزَّبَانِيَةَ

موږ به هم د عذاب پرښتې راوغواړو؛

كَلَّا لَا تُطِعْهُ وَاسْجُدْ وَاقْتَرِب ۩

هیڅكله داسي نه ده، د هغه خبره مه منه، سجده وکړه او (د خپل رب) نژديوالی وګټه.