۸۵. سورت البروج

وَالسَّمَاءِ ذَاتِ الْبُرُوجِ

قسم په كلكو کلاګانو لرونكي اسمان دی؛

وَالْيَوْمِ الْمَوْعُودِ

او (قسم دی) په هغې ورځي چي وعده یې شوې ده؛

وَشَاهِدٍ وَمَشْهُودٍ

او (قسم دی) په حاضرېدونكي او حاضر کړی شوي،

قُتِلَ أَصْحَابُ الْأُخْدُودِ

د خندقونو خاوندان تباه شوي دي،

النَّارِ ذَاتِ الْوَقُودِ

چي په هغو (خندقونو) کښي د ډېر ژر لمبه کېدونكو موادو اور ؤ؛

إِذْ هُمْ عَلَيْهَا قُعُودٌ

كله چي هغوی د هغي كندي په غاړه ناست ول،

وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ

او څه چي یې له مؤمنانو سره كول، هغه یې ليدل؛

وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ

او له مؤمنانو سره د هغو دښمني له دې پرته په نور څه نه وه، چي مؤمنانو په هغه خدای ايمان راوړي ؤ، چي برلاس او په خپل ذات کښي په خپله ستايل شوي دی.

الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ

هغه ذات چي د اسمانونو او ځمکي د باچاهۍ څښتن دی، او الله هر څه ګوري؛

إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ

چا چي په مؤمنو نارينه او مؤمنو ښځو ظلم او تېری وکړ او بيا یې توبه و نه ايستله، هرو مرو د هغو لپاره د دوږخ عذاب دی؛ او د هغو لپاره د سوځېدو سزا ده.

إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ

كومو خلكو چي ايمان راوړى دى او ښه عملونه یې کړي دي، هرو مرو د هغو لپاره د جنت باغونه دي، چي لاندي به يې ویالې بهیږي. دا ستر برياليتوب دی.

إِنَّ بَطْشَ رَبِّكَ لَشَدِيدٌ

په حقيقت کښي ستا د رب نيونه ډېره سخته ده.

إِنَّهُ هُوَ يُبْدِئُ وَيُعِيدُ

هماغه په لومړي ځل پيدا كول كوي او هماغه یې دوهم ځل پيدا كوي؛

وَهُوَ الْغَفُورُ الْوَدُودُ

او هغه بښونكی او مينه كوونكی دی؛

ذُو الْعَرْشِ الْمَجِيدُ

د عرش څښتن دی لوي او لوړ دی؛

فَعَّالٌ لِّمَا يُرِيدُ

او څه چي یې خوښـه شي، د هغه ښه تر سره كوونكی دی.

هَلْ أَتَاكَ حَدِيثُ الْجُنُودِ

ايا تا ته د لښكرو خبر رسېدلی دی؟

فِرْعَوْنَ وَثَمُودَ

د فرعون او د ثمود (د لښكرو)؟

بَلِ الَّذِينَ كَفَرُوا فِي تَكْذِيبٍ

بلکي څوك چي كافران شوي دي، هغوي په درواغو کښي اخته دي.

وَاللَّهُ مِن وَرَائِهِم مُّحِيطٌ

په داسي حال کښي چي الله دوی له هر لوري ايسار کړي دي (د هغو په درواغجن ګڼلو سره د دې قُرآن هیڅ شي نه ورانېږئ)

بَلْ هُوَ قُرْآنٌ مَّجِيدٌ

بلکي دا قُرآن د لوړي مرتبې لرونكی دی.

فِي لَوْحٍ مَّحْفُوظٍ

په لوح محفوظ کي لیکل شوی دی.