۸۸. سورت الغاشية

هَلْ أَتَاكَ حَدِيثُ الْغَاشِيَةِ

ايا تا ته د هغه خورېدونكي افت خبر رسېدلى دى؟

وُجُوهٌ يَوْمَئِذٍ خَاشِعَةٌ

ځیني مخونه به په هغه ورځ ترېدلي او وېرېدونکي وي؛

عَامِلَةٌ نَّاصِبَةٌ

سخت ربړ ايستونكي، ستړي کېدونكي به وي؛

تَصْلَىٰ نَارًا حَامِيَةً

په سخت ګرم اور کښي سوځېدونكي به وي؛

تُسْقَىٰ مِنْ عَيْنٍ آنِيَةٍ

د خوټېدلي چينې اوبه به هغو ته د څښلو لپاره ورکول کیږي؛

لَّيْسَ لَهُمْ طَعَامٌ إِلَّا مِن ضَرِيعٍ

د اغزي لرونکي وچو وښو (یا وني) څخه پرته به هیڅ ډول خواړه د هغو لپاره نه وي؛

لَّا يُسْمِنُ وَلَا يُغْنِي مِن جُوعٍ

چي نه به پرې چاغيږي او نه به یې لوږه پرې ايسته کیږي.

وُجُوهٌ يَوْمَئِذٍ نَّاعِمَةٌ

ځیني مخونه به په هغه ورځ ښېرازه وي؛

لِّسَعْيِهَا رَاضِيَةٌ

په خپلو کړنو به خوشحاله وي؛

فِي جَنَّةٍ عَالِيَةٍ

په لوړ مقامه جنت کښي به وي؛

لَّا تَسْمَعُ فِيهَا لَاغِيَةً

هیڅ بابېزه خبره به هلته وانه وري؛

فِيهَا عَيْنٌ جَارِيَةٌ

په هغه کښي به بهېدونكي چينې وي؛

فِيهَا سُرُرٌ مَّرْفُوعَةٌ

په هغه کښي به لوړ د ناستي تختونه وي؛

وَأَكْوَابٌ مَّوْضُوعَةٌ

او ډکي پيالې به اېښودل شوی وي؛

وَنَمَارِقُ مَصْفُوفَةٌ

پرېړ بالښتونه به کتار کتار ايښول شوي وي؛

وَزَرَابِيُّ مَبْثُوثَةٌ

او ښكلي فرشونه به غوړېدلي وي (خو دا خلك يى نه مني).

أَفَلَا يَنظُرُونَ إِلَى الْإِبِلِ كَيْفَ خُلِقَتْ

نو ايا دوی اوښ ته نه ګوري چي څنګه پيدا کړ شوی دی؛

وَإِلَى السَّمَاءِ كَيْفَ رُفِعَتْ

او اسمان ته نه ګوري چي څنګه اوچت کړای شوى دى؛

وَإِلَى الْجِبَالِ كَيْفَ نُصِبَتْ

او غرونو ته نه ګوري چي څنګه ښخ درول شوي دي؟

وَإِلَى الْأَرْضِ كَيْفَ سُطِحَتْ

او ځمکي ته نه ګوري چي څنګه غوړول شوې ده؟

فَذَكِّرْ إِنَّمَا أَنتَ مُذَكِّرٌ

ښه نو [اې پېغمبره (ص)!] نصيحت كوه، ته یوازي نصيحت كوونكي یې؛

لَّسْتَ عَلَيْهِم بِمُصَيْطِرٍ

هیڅ پر هغو زور زياتی كوونكی نه یې.

إِلَّا مَن تَوَلَّىٰ وَكَفَرَ

البته كه څوك مخ واړوي او انكار وکړي؛

فَيُعَذِّبُهُ اللَّهُ الْعَذَابَ الْأَكْبَرَ

نو الله به هغه ته درنده سزا ورکړي؛

إِنَّ إِلَيْنَا إِيَابَهُمْ

شکه نسته، همدا زموږ لورى ته د دې خلكو راګرځېدل دي؛

ثُمَّ إِنَّ عَلَيْنَا حِسَابَهُم

بيا د هغو حساب همدا زموږ كار دی.