۸۶. سورت الطارق

وَالسَّمَاءِ وَالطَّارِقِ

قسم دی په اسمان او د شپې په څرګندېدونكي؛

وَمَا أَدْرَاكَ مَا الطَّارِقُ

او ته څه پوهېږې چي د شپې څرګندېدونكى څه دى؟

النَّجْمُ الثَّاقِبُ

هغه ځلېدونكى ستورى دی؛

إِن كُلُّ نَفْسٍ لَّمَّا عَلَيْهَا حَافِظٌ

هیڅ څوک داسي نشته چي كوم څارونكى ساتونکی پرې نه وي.

فَلْيَنظُرِ الْإِنسَانُ مِمَّ خُلِقَ

بيا دي انسان دې ته ځير شي چي له څه شي پېدا کړه شوى دى.

خُلِقَ مِن مَّاءٍ دَافِقٍ

له ټوپ وهونكو اوبو څخه پېدا کړاي شوى دى؛

يَخْرُجُ مِن بَيْنِ الصُّلْبِ وَالتَّرَائِبِ

چي د شا او د سينې دهډوكو له منځ څخه راوځي.

إِنَّهُ عَلَىٰ رَجْعِهِ لَقَادِرٌ

په يقيني توګه، هغه (خالق) د ده (انسان) په دوهم ځل پيدا كولو قادر دى؛

يَوْمَ تُبْلَى السَّرَائِرُ

په هغه ورځ چي د پټو اسرارو پلټنه او څېړنه وشي؛

فَمَا لَهُ مِن قُوَّةٍ وَلَا نَاصِرٍ

په هغه وخت کښي به له انسان سره نه په خپله څه زور وي او نه به كوم څوك د ده مرستندوی وي.

وَالسَّمَاءِ ذَاتِ الرَّجْعِ

قسم دی په باران اوروونكي اسمان؛

وَالْأَرْضِ ذَاتِ الصَّدْعِ

او (قسم دی) په چاودېدونكې ځمکه (چي اوبه، بوټي او داسي نور شیان ځني راوځي)؛

إِنَّهُ لَقَوْلٌ فَصْلٌ

بېشکه دا (قُرآن د حق او باطل تر منځ) بېلونکې وینا ده؛

وَمَا هُوَ بِالْهَزْلِ

او دا ټوكه او مسخره نه ده؛

إِنَّهُمْ يَكِيدُونَ كَيْدًا

دا خلك سختي دسيسې جوړوي؛

وَأَكِيدُ كَيْدًا

او زه به هم يو پوخ تدبير كوم؛

فَمَهِّلِ الْكَافِرِينَ أَمْهِلْهُمْ رُوَيْدًا

نو پرېږده [اې پېغمبره (ص)!] دا كافران څه لږ غوندي په خپل حال پرېږده.